बर्सातको समयमा हामीले धेरै कुरामा ध्यान दिनुपर्छ । मुख्यतया खानेकुरामा हामीले संमयता अपनाउनुपर्छ । बर्सातको मौसममा खानपानमा धेरै ध्यान दिनुपर्ने हुन्छ ।
किनकि, यस मौसममा ब्याक्टेरियल तथा फंगल सङ्क्रमण तीव्र गतिमा बढ्छन् ।कस्ता खानेकुरा खाने कस्ता नखाने यो निकै महत्त्वपूर्ण कुरा हो ।
यदि हामीले खानपानमा ध्यान दिएनौ भने आउँ, हैजा, झाडापखाला, जुका पर्ने सम्भावना अधिक हुन्छ । खानपान भन्नेवित्तिकै हामीले तरकारीको कुरा गर्दै छौ । बर्सातको समयमा जुका पार्न सक्ने तरकारीहरू यस्ता छन् । सकेसम्म यी तरकारीहरूको सेवन नगर्नुहोस् ।
जरा भएको तरकारी
यो मौसममा जरा भएको तरकारी जस्तै गाजर, सलगम, मुला आदि पनि कम खानु पर्छ । यस मौसममा माटो धेरै ओसिलो हुने भएकाले यस्ता तरकारी छिटै गल्ने तथा कुहिने हुन्छ । ताजा भेटियो भने मात्रै यस्ता तरकारी खानु पर्छ ।
सिमी
मौसमका कारण हरियो सिमीमा किरा पर्छन् । जसले गर्दा यसलाई राम्रोसँग नपकाएर खाँदा पेटमा पनि किरा पर्ने सम्भावना हुन्छ ।
भन्टा
वर्षायाममा भन्टाको सेवन धेरै नगरेको राम्रो हुन्छ । यसमा अल्कलाइड पाइन्छ, जसले शरीरको एसिडिक लेवल बढाउँछ । यो खाँदा फूड प्वाइजनिंग, चिलाउने, एलर्जी, सङ्क्रमण जस्ता समस्या हुन सक्छन् ।
भिण्डी
वर्षाको मौसममा भिण्डीको सेवन पनि धेरै फाइदाजनक हुँदैन ।
च्याउ
कतिपय च्याउमा यस मौसममा चिसोले गर्दा किरा पर्छन् । अत्यधिक किरा तथा फङ्गस आउने भएकाले बर्सातमा च्याउ धेरै नखाएको राम्रो हुन्छ । यसले पेटमा किरा तथा जुका पर्ने सम्भावना हुन्छ ।
बन्दागोभी
कुनै पनि प्रकारका गोभी यो मौसमका लागि फाइदाजनक हुँदैनन् । सबै प्रकारका गोभी मौसमी तरकारीभित्र पर्दैनन्, जसले गर्दा अत्यधिक विषादी प्रयोग गरिएको हुन्छ । यो धेरै किरा पर्ने तरकारीभित्र पर्दछ ।
यो खबर पढेर तपाईलाई कस्तो महसुस भयो ?
प्रतिक्रिया