विक्की कौशलको ‘ब्याड न्युज’ले कति कमायो ?

काठमाडौँ – निर्माण शुरु भएदेखि नै चर्चामा रहेको बलिउड फिल्म  ‘ब्याड न्यूज’ ले बक्स अफिसमा राम्रो कमाइ गरिरहेको छ। 

अभिनेता विक्की कौशल, एमी विर्क र अभिनेत्री तृप्ति डिमरी अभिनीत यो फिल्म कौशलको करिअरमा सबैभन्दा ठूलो ओपनिङ गर्ने फिल्म समेत बन्यो ।

भारतीय सञ्चारमाध्यम बलिउड लाइफका अनुसार फिल्ममा ओपनिङमै ८ करोड ५२ लाख भारूको व्यापार गरेको थियो । दोश्रो दिन त्यसमा १० करोड ५५ लाख भारू थप गरेको फिल्मले फिल्मले दुई दिनमा १९ करोड १७ लाख भारू कमाएको हो ।

विक्की मात्र होइन अभिनेत्री तृप्ति डिम्री’को लागि पनि ‘ब्याड न्युज’को यो कमाइ सुखद रह्यो । शीर्ष अभिनेत्रीको रुपमा यो उनको सबैभन्दा ठूलो ओपनिङ हो ।

यो फिल्म धर्मा प्रोडक्सनले निर्माण गरेको हो। जसले सन् २०१९ मा फिल्म ‘गुड न्यूज’ बनाएको थियो।