बच्चाको उमेर अनुसार तौल र उचाइ कति हुनुपर्छ  ?

बच्चा स्वस्थ भएमा उनको उमेर अनुसार उनीहरूको निश्चित तौल र उचाइ हुने गर्छ । विश्व स्वास्थ्य सङ्गठन (डब्लुएचओ) का अनुसार जन्मँदा बच्चाको तौल करिब ३ किलो हुनुपर्छ।

तौल तीन महिनामा ५ किलो, ६ महिनामा ६ किलो, ९ महिनामा ७ किलो र एक वर्ष पुग्दा १० किलो हुनुपर्छ। कहिलेकाहीँ तेस्रो र छैटौँ महिनामा बच्चाको तौल घटेको पनि हुनसक्छ।

तर बच्चाको तौल थोरै घट्दैमा चिन्ता लिनुपर्दैन। अब जानौँ उमेर अनुसार हुनुपर्ने तौल र उचाइ

१ वर्ष

१ वर्षमा बच्चाको तौल ९ दशमलव २ किलो ग्राम र उचाइ २९ दशमलव २ इन्चको सेरोफेरोमा हुनु स्वस्थ मानिन्छ ।

२ वर्ष

दुई वर्षको बच्चाको तौल बच्चा  १२ किलो हुनुपर्ने र लगभग उचाइ ३३ दशमलव ५ इन्च हुनुपर्ने हुन्छ ।

३ वर्ष

३ वर्षको बच्चाको तौल १४ दशमलव २ किलोग्राम हुनुपर्छ । यसैगरी उनीहरूको औसत उचाइ ३७ इन्च हुनुपर्छ ।

४ वर्ष

४ वर्षको बच्चा छ भने उनको तौल १५ दशमलव ४ किलोग्राम हुनुपर्छ । उचाइ लगभग ३९ दशमलव ५ इन्च हुनुपर्छ ।

५ वर्ष

५ वर्षको बच्चाको तौल लगभग १७ दशमलव ९ किलोग्राम हुनुपर्छ । यो उमेरमा बच्चाको उचाइ औसत ४२ दशमलव ५ इन्च हुनुपर्छ ।

६ वर्ष

६ वर्षको बच्चाको तौल  १९ दशमलव ९ किलोग्राम हुनुपर्छ । लगभग उचाइ  ४५ दशमलव ५ इन्च हुनु राम्रो हो ।

७ वर्ष

७ बर्षको बच्चाको तौल २२ दशमलव ४ किलोग्रामको आसपासमा भएको राम्रो । उनको उचाइ ४७ दशमलव ७ इन्च भएको उचित हुन्छ ।

८ वर्ष

८ वर्ष उमेर पुगेको बच्चाको तौल लगभग २५ दशमलव ८ किलोग्राम हुनुपर्छ । उनको उचाइ ५० दशमलव ५ इन्च आसपासमा हुनुपर्छ ।

९ वर्ष

९ वर्षको बच्चाको तौल लगभग २८ दशमलव १ किलोग्राम हुनुपर्छ । उमेर अनुसार उनको उचाइ ५२ दशमलव २ इन्च हुनुपर्छ ।

१० वर्ष

१० वर्षको उमेरमा बच्चाको तौल ३१ दशमलव ९ किलोग्राम उत्तम मानिन्छ । उनको उचाइ ५४ दशमलव ५ इन्च भएको राम्रो ।