पछिल्लो समय सहरी क्षेत्रका अधिकांश घर तथा कार्यालयहरूमा लक्की बेम्बो प्लान्ट राखिएको देख्न सकिन्छ । यो सुन्दर र आकर्षक भएकाले सजावटका रूपमा धेरै प्रयोग गरेको पाइन्छ ।
यसको बिरुवा घरमा रोप्नुले अत्यन्तै सुभ फल मिल्ने विश्वासका साथ मानिसहरू घर तथा कार्यालयहरूमा लक्की बेम्बो राख्ने चलन बढेको छ ।
वास्तुशास्त्र अनुसार घरमा लक्की बेम्बो राख्नु अति उत्तम मानिन्छ । वास्तुशास्त्रले कुन बिरुवा कुन दिशामा रोप्नु पर्छ भनेर छुट्टाएको छ र कुन ठाउँमा राख्दा शुभ हुने र कुन ठाउँमा राख्दा अशुभ हुने भनेर पनि छुट्टाएको छ ।
यो प्लान्ट घरको उत्तर दिशा, पश्चिम दिशा वा घरको बीच भागमा राख्दा घरमा धनको अभाव कहिल्यै हुँदैन । यसका साथै दुःख–पीडाहरू स्वतः हट्दै जान्छ भन्ने विश्वास छ । सही दिशामा राखिएको अवस्थामा यसले हाम्रो भाग्य परिवर्तन गर्न सक्छ भने गलत दिशामा राखे बिगार गर्न सक्ने बताइन्छ ।
लक्की बेम्बो प्लान्ट जहिले पनि पानीमा रोप्नु राम्रो मानिन्छ र त्यो पानी प्रत्येक दिन फेरी रहनु पर्छ ।
लक्की बेम्बो भित्रबाट खोक्रो हुन्छ र यसलाई पानीमा राखी रातो धागो वा रिबनले बाँधेर राखिन्छ । यो प्लान्ट जुन भाँडोमा राखिन्छ त्यो भाँडोमा केही ढुङ्गाहरू पनि मिसाएर राखिन्छ ।
लक्की बेम्बो प्लान्ट घरमा राख्दा सुख शान्ति र समृद्धि आउने विश्वास गरिन्छ । यो वृक्ष घरमा राख्दा सकारात्मक ऊर्जाको सञ्चार राम्रोसँग हुन्छ ।
यो खबर पढेर तपाईलाई कस्तो महसुस भयो ?
प्रतिक्रिया