गायक यश कुमारको नयाँ गीत ‘हिरो’ सार्वजनिक

काठमाडौँ– अभिनेता तथा गायक यशकुमारको नयाँ गीत ‘हिरो’ सार्वजनिक भएको हो । बुधबार काठमाडौँमा एक कार्यक्रमको आयोजना गरी गीतको भिडिओ सार्वजनिक गरेको हो ।

भिडिओमा अभिनेत्री गरिमा शर्मा, दिपेन्द्र सोनाम र रोजेन सुन्दासको अभिनय रहेको गीतमा गायक यश कुमारकै स्वर, शब्द र संगीत रहेको छ । गीतको भिडिओलाई निर्देशक निकेश खड्काले निर्देशन गरेका हुन् ।

गीतको भिडिओमा गायक यश कुमार पनि अतिथि भुमिका देखिएका छन् । उनले गीतमार्फत आत्महत्या दुरुत्साहनको मुद्दालाई उठाउन खोजेको बताएका छन् ।