काठमाडौँ – धरापमा परिसकेको करियर ‘एनीमल’मा भिलेन बनाएर सुधारका बलिउड अभिनेता बबी देओल फेरि भिलेनकै भूमिकामा देखिने भएका छन् ।
उनी आलिया भट्टको आगामी फिल्म ‘अल्फा’मा भिलेनको भूमिकामा देखिँदै छन् । यस फिल्ममा आलिया भट्ट बाहेक शरवरी वाघ, बबी देओल र अनिल कपूर पनि देखिनेछन् ।
जहाँ आलिया भट्ट र शरवरी वाघ दिदीबहिनीको भूमिकामा देखिनेछन् । खलनायक बबी देओल बन्दा आलिया उनीसँग भिड्नेछिन् ।
फिल्ममा अनिल कपूर आलिया भट्टका बुवाको भूमिकामा देखिने बताइएको छ । निर्माताहरूले अहिलेसम्म यसबारे कुनै आधिकारिक घोषणा गरेका छैनन् ।
मिडिया रिपोर्टका अनुसार यस फिल्ममा आलिया भट्ट एक गुप्तचर एजेन्टको भूमिकामा छिन् । उनले सुपर एजेन्टको भूमिका निर्वाह गर्न कठोर खालका तालिम लिइरहेकी छिन् ।
यो खबर पढेर तपाईलाई कस्तो महसुस भयो ?
प्रतिक्रिया