काठमाडौँ – मीनबहादुर भाम निर्देशित कथानक फिल्म ‘शाम्बाला’ स्वीट्जरल्याण्डको विश्वप्रसिद्ध फिल्म फेस्टिभल लोकार्नोको ७७ औँ संस्करणमा छनोट भएको छ ।
‘लोकार्नो बोल्ड र नवीन फिल्मका लागि प्रख्यात छ,’ फेस्टिभल छनोटबारे जानकारी दिँदै फिल्म शाम्बालाले भनेको छ, ‘यो छनोट हाम्रा लागि अविश्वसनीय हो । हामी ठूलो पर्दामा फिल्म हेर्न र स्वीस दर्शकसँग साझेदारीका लागि धेरै पर्खन सक्दैनौं । एक शानदार फेस्टिभल हुनेछ ।’
फेस्टिभलको आधिकारिक वेबसाइटका अनुसार यो फिल्म पियाजा ग्राण्डे विधामा फिल्म छनोट भएको हो । थिन्ले ल्हामो र सोनम तोप्देन शीर्ष भूमिकामा रहेको यो फिल्म ‘कालोपोथी’ फेम्ड भामको दोस्रो निर्देशकीय फिचर हो ।
यो फिल्मले नेपालको पश्चिमी हिमाली क्षेत्रमा प्रचलित बहुपतिप्रथाको कथा पेश गर्छ भने यसअघि यो फिल्म बर्लिन फिल्म फेस्टिभलको मुख्य प्रतिस्पर्धामा छनोट भएको थियो ।
तिब्बती र नेपाली भाषामा बनेको यो फिल्मलाई आगामी सेप्टेम्बरमा नेपाली हलमा रिलिजको तयारी छ ।
यो खबर पढेर तपाईलाई कस्तो महसुस भयो ?
प्रतिक्रिया