के मिश्रित फलफूलको रस पिउनु स्वास्थ्यको लागि फाइदाजनक छ ?

काठमाडौँ – फलफूलको जुस मिसाएर पिउनाले मधुमेहको समस्या बढ्न सक्छ । जसका कारण रगतमा चिनीको मात्रा निकै बढ्छ । गर्मी मौसममा यो जुस सेवन गर्नु बढी खतरनाक र हानिकारक हुनसक्छ, त्यसैले सावधानी अपनाउनुपर्छ ।

फलफूल खानु पौष्टिक र लाभदायक मानिन्छ । यसको सेवनले शरीरलाई धेरै रोगबाट बचाउन सकिन्छ । यसमा धेरै प्रकारका भिटामिन, मिनरल्स, कार्बोहाइड्रेट र एन्टिअक्सिडेन्ट पाइन्छ, जसले स्वास्थ्यलाई स्वस्थ राख्छ।

तर, अहिले फलफूलको जुस खाने चलन बढेको छ । फलफूल खानुको सट्टा अधिकांश मानिस यसको जुस पिउने गर्छन् । फलफूलको जुस बढी फाइदाजनक हुने उनीहरुको बुझाइ छ । यही कारण मिश्रित फलफूलको जुसको माग पनि बढेको छ ।

यसले शरीरलाई अनगिन्ती फाइदा गर्छ भन्ने विश्वास गरिन्छ तर सत्य यो हो कि फलफूलबाट जुस निकाल्दा त्यसबाट धेरै पौष्टिक तत्वहरु नष्ट हुन्छन् । फाइबर र अन्य सूक्ष्म पोषक तत्वहरू पनि नष्ट हुन्छन्। यसमा उच्च मात्रामा फ्रक्टोज हुन्छ, जुन पिउन खतरनाक हुन सक्छ।

किन पिउनु हुँदैन फलफूलको जुस…

पोषणविद्हरूका अनुसार मिश्रित फलफूलको जुसमा क्यालोरीको मात्रा धेरै हुन्छ। एक कप रसले ११७ क्यालोरीहरू प्रदान गर्दछ। यसबाहेक यसमा फ्रक्टोज पनि बढी हुन्छ । एक कप रसमा लगभग २१ ग्राम चिनी हुन्छ। जसको सेवनले स्वास्थ्यमा धेरै हानी पु¥याउन सक्छ । यो जुसले रगतमा चिनीको मात्रा निकै बढाउँछ । यो जुस मधुमेह रोगीका लागि निकै खतरनाक हुन्छ ।

स्वास्थ्य विज्ञहरूका अनुसार मिश्रित फलफूल बनाउँदा त्यसको जुस निकालेर बाँकी फ्याँकिन्छ । खारेज गरिएको भागमा फाइबर हुन्छ।

पौष्टिक फल रसमा परिणत हुनेबित्तिकै गैर-पोष्टिक हुन्छ। फाइबर पाचनका लागि धेरै महत्त्वपूर्ण हुने भएकाले फाइबर बिनाको जुस पिउँदा पाचन प्रक्रियामा धेरै समस्या आउन सक्छ। यसले एसिडिटीको समस्या बढ्न सक्छ । यो ग्यास्ट्रिक रोगीहरूको लागि हानिकारक हुन सक्छ।

यस्ता छन् फलफूलको जुस मिसाएर पिउनुका बेफाइदा… जुसबाट फाइबर निकालेपछि ठूलो मात्रामा फ्रक्टोज रहन्छ, जसले दाँत किराउँन सक्छ। यो जुसले कलेजोलाई राम्ररी हाइड्रेट गर्न सक्दैन र फलफूलको जुस मिश्रित पिउनाले केही दिनपछि स्वास्थ्यमा असर गर्छ ।