वेबसिरिज मार्फत अभिनयमा फर्किइन अरुणिमा लम्साल

काठमाडौँ – कुनै समयकी चर्चित अभिनेत्री अरुणिमा लम्साल वेबसिरिजमार्फत अभिनयमा फर्किएकी छिन् । उनी एक दशकपछि ‘घर बट इन अमेरिका’ शीर्षकको वेब सिरिजबाट  अभिनयमा फर्किएकी हुन् । 

उनी सन् २०१५ देखि अमेरिका रहँदै आएकी उनको पछिल्लो फिल्म ‘पिपल’ थियो । अहिले उनले अभिनयनमा पुनरागमन गरेको सिरिजको अमेरिकाका विभिन्न स्थानमा छायाङ्कन भइरहेको छ । 

बिमलेश अधिकारीको निर्देशन र मुख्य भूमिका रहने यो सिरिज सिचुएशनल कमेडी–ड्रामा विधामा बन्ने छ । 

यसको सबै छायाङ्कन अमेरिकामै हुनेछ भने विवेक चम्लागाईंको लेखन रहेको सिरिजले गोप्य रूपमा लिभ–इन रिलेशनसिपमा रहेकी छोरी र अमेरिकी भ्रमणमा पुगेका आमाबुवाको कथा भन्छ । 

सिरिजमा राधाबाबु लम्साल र खेम शर्मा, आशिष दाहाल, समारोह मैनाली र रोजिना थापाको समेत अभिनय रहनेछ ।