काठमाडौँ – बाल गायिकाका रूपमा चर्चा बटुलेकी कमला घिमिरेले ‘माइली’ बाट फिल्ममा डेब्यू गर्ने भएकी छन् ।
निर्माण पक्षसँग सम्झौता गरिसकेकी उनी सार्वजनिक भएको फर्स्ट लुक मै देखिएकी छिन् । पोस्टरमा कमलालाई मन्द मुस्कानमा देखाइएको छ । उनको पृष्ठभूमिमा एक महिलाले केही काम गरिरहेको देख्न सकिन्छ ।
यसअघि नायिका करिश्मा मानन्धर र प्रियंका कार्की यो फिल्ममा अनुबन्ध भइसकेका छन् । रुना इन्टरटेन्ट्मेन्टको ब्यानरमा बन्ने यो फिल्मको निर्देशन बाबू साहेब बलामीको रहेनछ ।
निर्देशक बलामीका अनुसार सत्य घटनामा आधारित हुने यो फिल्ममा महिलाले भोग्ने पीडा देखाइनेछ ।
असार अन्तिमबाट छायांकनमा निस्कने योजनामा निर्माण पक्ष रहेको छ । असारको अन्तिमबाट छायांकन गरिने फिल्म मकवानपुरको वीरखर्ग, कुलेखानी, काठमाडौँ र दुबईमा खिचिनेछ ।
यो खबर पढेर तपाईलाई कस्तो महसुस भयो ?
प्रतिक्रिया