छेपारो शरिरमा खस्नुले शुभ र अशुभ के संकेत गर्छ ?

काठमाडौँ – छेपारो शरिरमा खस्दा धेरै शुभ र अशुभ संकेतहरु जोडिएका हुन्छन् । शरीरका विभिन्न भागमा छेपारो झर्ने विभिन्न संकेतहरू हुन्छन्। आउनुहोस्, छेपारो खस्दा के संकेत गर्छ।

घरमा धेरै ठाउँमा छेपारो देखिन्छ । छेपारो सामान्यतया घरको छत, पर्खाल, ढोका पछाडि र कुना आदिमा बस्छ। अब मनसुन सुरु भएसँगै थप छेपारो देखिनेछन् । तर छेपारो देखेपछि धेरैलाई डर लाग्छ ।

शरीरमा छेपारो खस्दा मानिसको डर झनै बढ्छ । कतिपय मान्छे चिच्याउन थाल्छन् । तर के तपाईलाई थाहा छ छेपारो झर्नुले धेरै शुभ र अशुभ कुराको संकेत गर्छ । शास्त्रका अनुसार छेपारो शरीरको कुन कुन भागमा झर्दा के–के संकेत हुन्छन् जानौं ।

छेपारो झर्ने शुभ संकेत

छेपारो टाउकोमा पर्नु निकै शुभ मानिन्छ । छिट्टै राज्यको लाभ मिल्नेछ र पद, प्रतिष्ठा र इज्जत बढ्ने संकेत छ ।
यदि कसैको देब्रे कान नजिक छेपारो पर्यो भने यसलाई शकुन शास्त्रमा पनि शुभ मानिन्छ । यो धन लाभको संकेत हो। जबकि दाहिने कानमा झर्नु दीर्घायुको संकेत मानिन्छ।
धेरै पटक हाम्रो काँधमा छेपारो खस्छ। काँधमा छेपारो झर्नु विजयको शुभ संकेत हुन सक्छ।
आँखा वा मुटुको छेउमा छेपारो खस्दा अचानक आर्थिक लाभ हुने संकेत गर्दछ। यस्तो अवस्थामा तपाईलाई कतैबाट अचानक धन प्राप्त हुन सक्छ।
यदि तपाईको अनुहारमा छेपारो खस्यो भने तपाईले केहि मीठो खाना वा मीठो परिकारको स्वाद पाउनुहुनेछ।
यससँगै छेपारो नाकको नजिक, हातमा वा कम्मरमा पनि पर्नु शुभ मानिन्छ।

छेपारो झर्ने अशुभ संकेत

छेपारो बायाँ खुट्टामा खस्नु अशुभ मानिन्छ । जसका कारण घरमा कलहको अवस्था आउन सक्छ ।
छेपारो मानिसको देब्रे हातमा पर्नु शुभ हुँदैन । यसले आर्थिक घाटा देखाउँछ। तर दाहिने हातमा छेपारो झर्नु शुभ मानिन्छ।
छेपारो बायाँ काँधमा पर्नु शुभ हुँदैन । यसले संकेत गर्छ कि तपाईका नयाँ शत्रुहरू हुन सक्छन्, जसका कारण तपाईले सावधान रहनु पर्छ।
छेपारो खस्यो भने के गर्ने : छेपारो शरीरको जुन भागमा खस्यो त्यो फरक पर्दैन, तपाईंले तुरुन्तै नुहाउनुपर्छ। यसका साथै पूजा कोठामा धूप र दीप प्रज्वलन गर्नुपर्छ र सम्भव भएमा महामृत्युञ्जय मन्त्रको जप गर्नुपर्छ। यस पछि, आफ्नो क्षमता अनुसार केहि चीजहरू दान गर्नुहोस्।