वर्षायाममा तपाईको शरीरमा पसिनासँगै चिलाउछ ? अपनाउनुहोस् यी उपाय

काठमाडौँ – वर्षायाम धेरै रमाइलो हुन्छ तर यो धेरै समस्याको जरा पनि हो। यस मौसममा रोग प्रतिरोधात्मक क्षमता कमजोर हुनुका साथै मानिसहरु धेरै रोगको सिकार पनि बन्न पुग्छन् ।

यो मौसममा छालासँग सम्बन्धित धेरै समस्या पनि देखिन थाल्छ । वर्षाको समयमा मानिसहरू प्रायः चिलाउने र दागहरूबाट पीडित हुन्छन्।

वर्षायाममा पसिना र आर्द्रताका कारण प्रायः छाला सम्बन्धी समस्या देखिन थाल्छ । वर्षायाममा धेरैलाई घाँटी, अनुहार, हात, खुट्टा, ढाड, कम्मरलगायतका भागमा पसिना आउनुका कारण धेरैलाई चिलाउने र दाग हुने गर्छ।

यदि तपाईलाई पनि चिलाउने समस्या छ भने तपाई आफ्नो छालामा एलोभेरा प्रयोग गर्न सक्नुहुन्छ। यसमा पाइने तत्व एन्टी फङ्गल र एन्टी ब्याक्टेरियल गुणले भरिपूर्ण हुन्छ । जसले छालाको चिलाउने, सुन्निने र रातो हुने समस्यालाई हटाउँछ।

नरिवलको तेलमा एन्टिब्याक्टेरियल गुण हुन्छ जसले धेरै समस्याबाट छुटकारा दिन्छ। यसले दाग पनि निको पार्छ । साथै, यसले प्राकृतिक मोइस्चराइजरको रूपमा पनि काम गर्छ।

सुख्खा छालाको समस्या भएका व्यक्तिहरूले नरिवलको तेल वा एलोभेराको प्रयोग अवश्य गर्नुपर्छ, यसमा प्रोटिन पनि हुन्छ जसले छालाको पीएचलाई सन्तुलनमा राख्छ।

वर्षायाममा कडा चिलाउने समस्या भएमा नीमको पातमा पाइने एन्टी ब्याक्टेरियल गुणले छालालाई चिलाउने र जलनबाट बचाउँछ ।