काठमाडौँ – प्रभास स्टारर बलिउड फिल्म कल्कि २८९८ एडीले राम्रो व्यापार गरिरहेको छ ।
यसैबिच जुन २७ मा रिलिज भएको यो फिल्म पाँच सय करोड क्लबमा प्रवेश गरेको हो । कमाइको हिसाबले कल्की उत्तरी अमेरिकामा सर्वाधिक कमाउने १० भारतीय चलचित्रको सूचीमा पनि परेको छ ।
नाग अश्विनद्वारा निर्देशित यो फिल्मको कमाई बारे निर्माताले आइतबार राति माइक्रो ब्लगिङ वेबसाइट एक्समा यसको आधिकारिक घोषणा गरेका हुन् ।
कमाइको हिसाबले कल्कि २८९८ एडी सबैभन्दा धेरै कमाउने पाँचौँ तेलुगु फिल्म बनेको छ । यसअघि बाहुबली द कन्क्लुजन, आरआरआर, सालार पार्ट १ र बाहुबली द बिगिनिङले यो उपलब्धि हासिल गरेका थिए । सूचीमा प्रभासका चार ओटा फिल्म छन् ।
कल्की फिल्म पहिलो एक हप्तामै एक हजार करोड क्लबमा सामेल हुने अनुमान गरिएको छ । तर १५ सय करोड क्लबमा पर्छ कि पर्दैन भन्ने चाहिँ सोमवारको व्यापारमा भर पर्ने बताइएको छ ।
फिल्ममा प्रभास सहित दीपिका पादुकोण, अमिताभ बच्चन, कमल हासन र दिशा पटानीको समेत अभिनय छ ।
यो खबर पढेर तपाईलाई कस्तो महसुस भयो ?
प्रतिक्रिया