काठमाडौँ– गत वर्षको सुपरहिट फिल्म ‘जारी’ पाइरेसीको मारमा परेको छ । दयाहाङ राई र मिरुना मगरको शीर्ष भूमिका रहेको यो फिल्म सामाजिक सञ्जाल र युट्युबमार्फत पाइरेसी भएको हो ।
यसअघि पनि नेपाली फिल्म पटकपटक पाइरेसी हुने गरेका थिए । फिल्म ‘जारी’ ले गत वर्ष सर्वाधिक बढी कमाइ गरेको थियो । सामाजिक सञ्जालमा पनि यो फिल्म डिजिटल प्लेटफर्मममा रिलिज कहिले हुने भनेर दर्शकलाई प्रतीक्षा थियो ।
फिल्मका निर्देशकले फिल्म युट्युबमा लिक भएको आफूले थाहा पाएको र यसबारेमा निर्माण टिमले कानूनी प्रक्रिया अगाडि बढाउने जोय नेपाललाई बताए ।
‘युट्युबमा लिक भएको भन्ने त मैले पनि सुनेको हो, साथीहरुले अब कानूनी प्रक्रिया अगाडि बढाउलान्,’ उनले भने ।
उपेन्द्र सुब्बाको लेखन र निर्देशन रहेका चलचित्रका निर्माता रामबाबु गुरुङ हुन् ।
बेलाबेलामा नेपाली फिल्म निर्माण टिमको अनुमतिविना पाइरेसीको मारमा पर्दा निर्मातालाई ठूलो घाटा लाग्ने गरेको छ ।
यो खबर पढेर तपाईलाई कस्तो महसुस भयो ?
प्रतिक्रिया