प्रियंकालाई मुख्य भूमिकामा लिएर फिल्म ‘माइली’को घोषणा

काठमाडौँ –  नेपाली फिल्म ‘माइली’ निर्माण हुने भएको छ । अभिनेत्री प्रियंका कार्कीलाई मुख्य भूमिकामा लिएर यो फिल्म निर्माण हुन लागेको हो।

रुना इन्टरटेनमेन्टसको ब्यानरमा बन्ने यो फिल्ममा बाबु साहेब बलामीको कन्सेप्ट र निर्देशन रहने छ । चलचित्रका लागि प्रियंकालाई हालै निर्माण पक्षले अनुबन्धित गरेको हो । फिल्म युनिटले प्रियंकाको लुक पनि सार्वजनिक गरेको छ।

सत्य घटनामा आधारित हुने भनिएको चलचित्रमा महिलाको पीडा देखाइने निर्देशकको भनाई छ। 

असारको अन्तिमबाट छायांकन गरिने चलचित्र मकवानपुरको वीरखर्क, कुलेखानी, काठमाडौँ र दुबईमा खिचिनेछ । चलचित्रमा शंकर अधिकारी ‘घायल’ को गीत र पटकथा, संवाद तथा राजेन्द्र बजगाईँको संगीत रहनेछ ।