एसइईको नतिजा भोलि मात्रै सार्वजनिक गरिने

भक्तपुर– आज प्रकाशन गर्ने भनिएको माध्यमिक शिक्षा परीक्षा (एसइई)को नतिजा बिहिबार मात्रै सार्वजनिक हुने भएको छ । नतिजामा विभिन्न प्राविधिक समस्या आएपछि भोलि मात्रै सार्वजनिक गर्न लागेको हो ।

राष्ट्रिय परीक्षा बोर्ड भोली अपरान्ह ४ बजे नतिजा सार्वजनिक गर्ने जनाएको छ । यसअघि आज सार्वजनिक तयारी थियो । तर, प्राविधिक समस्याका कारण भोली नतिजा सार्वजनिक गर्न लागिएको हो ।

यसका लागि सम्पूर्ण तयारी पुरा भइसकेको परीक्षा नियन्त्रण कार्यालयले जनाएको छ ।

गत चैत १५ गते सुरु भएको एसइईमा नियमिततर्फ चार लाख ६७ हजार र ग्रेड वृद्धितर्फ २१ हजार परीक्षार्थी सहभागी भएका थिए ।