काठमाडौँ – अभिनेता धिरज मगर र अभिनेत्री उपासना सिंह ठकुरीको मुख्य अभिनय रहेको फिल्म ‘खुस्मा’ का दुईवटा पोस्टर सार्वजनिक गरिएको छ।
सार्वजनिक पोस्टरमा एउटामा दुवै कलाकारलाई रोमान्टिक भावमा देखाइएको छ भने अर्को पोस्टरमा उपसनालाई मात्र चिन्तित मुन्द्रामा प्रस्तुत गरिएको छ।
यो फिल्मलाई अशोक थापा मगरले लेखन तथा निर्देशन गरेका हुन् भने निर्माता बेताने मगर, चन्द्र भट्टचन, मोहन राई र सुस्मिता बुढाथोकी हुन् । एसडी योगीको संगीत रहने फिल्ममा सुरेन्द्र राना तथा राम अविरल विष्टको गीत रहनेछ । मगर समुदायको पृष्ठभूमिमा निर्माण भएको फिल्मले प्रेमकथा प्रस्तुत गर्ने निर्देशक थापा मगरको भनाइ छ।
दिपक बज्राचार्य छायाँकार रहने फिल्ममा धिरज र उपसनाका अलावा अस्तित्व भट्टचन, खड्क बहादुर पुन तथा अरुण मगरको अभिनय रहनेछ । प्रेम कथामा बन्ने फिल्म एम मिडिया प्रा.लिको ब्यानरमा निर्माण हुनेछ ।
यो खबर पढेर तपाईलाई कस्तो महसुस भयो ?
प्रतिक्रिया