काठमाडौँ – जारी टी–२० विश्वकप अन्तर्गत आज सुपर आठका दुई खेल हुदै छन् ।
जसमा पहिलो खेल वेस्ट इन्डिज र अमेरिकाबीच जारी छ । बारबाडोसस्थित केंसिंगटन ओभलमा जारी खेलमा टस जितेर वेस्ट इन्डिजले बलिङ गरिरहेको छ ।
सुपर आठमा अमेरिका र वेस्ट इन्डिजले आ–आफ्नो पहिलो खेलमा हार बेहोरेको छ । अमेरिका दक्षिण अफ्रिकासँग पराजित भएको थियो भने वेस्ट इन्डिज इङल्याण्डसँग पराजित भएको थियो ।
सेमिफाइनलको दौडमा दुवै देशका लागि यो खेल जित्नै पर्ने अवस्था रहेको छ । टी २० अन्तर्राष्ट्रिय खेलमा दुवै देश पहिलो पटक आमने सामने हुदै छन् ।
त्यसैगरी आज दोस्रो खेल बंगलादेश र भारतबीच हुदै छ । एन्टीगास्थित सर भिभीयन रिचार्ड्स स्टेडियममा हुने यो खेल नेपाली समय अनुसार राती ८:१५ बजेदेखि शुरु हुने छ ।
सुपर आठमा भारतले आफ्नो पहिलो खेलमा जित हासिल गरेको छ । भारतले पहिलो खेलमा अफगानिस्तानलाई पराजित गरेको थियो ।
त्यस्तै बंगलादेशले भने पहिलो खेलमा अस्ट्रेलियासँग हार बेहोरेको छ । भारतले यो खेलमा जित हासिल गरेमा सेमिफाइनलको सम्भावना लगभग निश्चित हुने छ भने बंगलादेशले यो खेलमा हार बेहोरेमा सेमिफाइनलको सम्भावना कठिन हुने छ ।
बंगलादेश र भारतबीच अहिलेसम्म १३ टी(२० खेल भएका छन् । जसमा भारतले १२ खेल जितेको छ भने बंगलादेशले एक खेल जितेको छ ।
यो खबर पढेर तपाईलाई कस्तो महसुस भयो ?
प्रतिक्रिया