काठमाडौँ– उत्तर कोरियाका सर्वोच्च नेता किम जोङ उनले रुसी राष्ट्रपति भ्लादिमिर पुटिनलाई एक जोडी कुकुर उपहार दिएका छन् । उत्तर कोरिया भ्रमणमा रहेका बेला किमले पुटिनलाई दुई वटा कुकुर उपहार दिएका हुन् ।
२४ वर्षपछि आफ्नो मुलुकको भ्रमणमा आएका रुसी राष्ट्रपति पुटिनलाई किमले पुङ्गसान शिकारी कुकुर उपहार दिएको उत्तर कोरियाली समाचार संस्था केसीएनएले जनाएको छ ।
कुम्सुसान आतिथ्य गृहको बँगैचामा डुल्दै गर्दा किमले पुटिनलाई ती कुकुर उपहारस्वरुप प्रदान गरेको केसीएनएले उल्लेख गरेको छ ।
यसअघि सन् २०१८ मा किमले दक्षिण कोरियाली राष्ट्रपति मुन जाए इनलाई पनि यही प्रजातिको कुकुर उपहार दिएका थिए ।
यो खबर पढेर तपाईलाई कस्तो महसुस भयो ?
प्रतिक्रिया