अक्षयको फिल्म  ‘वेलकम–३’ को रिलिज मिति किन सर्‍यो ?

काठमाडौँ – अक्षयकुमार स्टारर बलिउड फिल्म ‘वेलकम ३’ को रिलिज मिति सरेको छ। 

यसअघि यो फिल्म २० डिसेम्बरमा रिलिज हुने तय भएको यो फिल्म ‘वेलकम टु द जङ्गल’ अब सन् २०२५ मा रिलिज हुने भारतीय समाचार माध्यमले जनाएका छन् । 

काम पूरा नभइसकेकाले फिल्म रिलिजमा ढिलाइ हुनसक्ने बताइएको भए पनि कतिपयले आमिर खानको फिल्म  ‘सीतारे जमिन पर’ सँग भिड्न नदिन फिल्म ‘वेलकम ३’ को रिलिज मिति परिवर्तन गरिएको दाबी गरेका छन् ।

‘वेलकम ३’ पहिलो सेड्युलको छायांकन मे महिनामा सकिएको थियो। तर, फिल्ममा भिएफएक्स पनि प्रयोग गरिएको छ, जसमा काम हुन बाँकी छ। यस्तो अवस्थामा यो वर्षको डिसेम्बर २० मा फिल्म रिलिज हुन सक्ने अवस्था छैन।

‘वेलकम ३’ मा अक्षय कुमार, सुनिल शेट्टी, अरशद वारसी, परेश रावल, तुषार कपुर, श्रेयस तलपदे, रविना टण्डन, लारा दत्ता, ज्याकलिन फर्नान्डिज, दिशा पटानी लगायतको अभिनय छ।

यता आमिर खान अभिनित फिल्म ‘सितारे जमीं पर’ को सुटिङ सकिएको छ। यस फिल्ममा जेनेलिया डिसुजा आमिर खानसँगै देखिँदैछिन्। ‘लाल सिंह चड्ढा’ असफल भएपछि आमिरले क्रिसमसमा यसै फिल्मबाट कमब्याक गर्दै छन् ।