करण कुन्द्रा र तेजस्वी प्रकाशको रोमान्टिक तस्बिर भाइरल

काठमाडौँ – करण कुन्द्रा र तेजस्वी प्रकाश टिभी उद्योगमा प्रशंसकहरूको मनपर्ने जोडी हुन्। अहिले सामाजिक सञ्जालमा दुवैको रोमान्टिक तस्बिर भाइरल भइरहेको छ ।

तेजस्वी प्रकाश र करण कुन्द्रा यतिबेला आफ्नो व्यस्त कार्यक्रमबाट समय निकालेर छुट्टीको रमाइलो गरिरहेका छन् । अहिले यो जोडीले सामाजिक सञ्जालमा आफ्नो तस्विर पनि शेयर गरेका छन् ।

करण कुन्द्राले तेजस्वी प्रकाशसँगको यी रोमान्टिक तस्बिरहरू आफ्नो इन्स्टाग्राम खातामा सेयर गरेका छन् । जसमा दुबै क्याजुअल लुकमा देखिएका छन् । यी तस्विरहरूमा तेजस्वीको क्यूट लुक देखिएकाे छ । उनले छोटो प्रिन्ट गरिएको पोशाक लगाएकी छिन्।

यी तस्विरहरू सेयर गर्दै करणले तेजस्वीका लागि पञ्जाबीमा एउटा सुन्दर क्याप्सन पनि लेखेका छन् । उनले लेखेका छन्, ‘रब वर्ग आसरा तेरा नी…’ यी तस्विरहरू सेयर गर्दै करणले तेजस्वीका लागि पञ्जाबीमा एउटा सुन्दर क्याप्सन पनि लेखेका छन् । उनले लेखेका छन्, ‘रब वर्ग आसरा तेरा नी…’

करण र तेजस्वीको प्रेम कहानी बिग बोसको घरबाट सुरु भएको थियो । जहाँ उनीहरु दुवै सुरुमा निकै झगडा गरेको र त्यसपछि प्रेममा परेको देखियो । अक्सर यी जोडी एकअर्कासँग रोमान्टिक तस्विर शेयर गरिरहन्छन् । जसमा उनका फ्यानहरुले पनि अपार माया बताउँछन् ।