काठमाडौँ– बलिउडका हार्टथ्रोब कार्तिक आर्यणले ‘प्यार का पंचनामा’ बाट इन्डस्ट्रीमा भव्य प्रवेश गरेका छन् । सन् २०११ मा रिलिज भएको यो फिल्मपछि उनले यसको सिक्वेल ‘प्यार का पंचनामा २’ मा पनि काम गरे जसका लागि उनले फेरी एकपटक उत्कृष्ट प्रतिक्रिया पाए ।
यी दुवै फिल्म बक्स अफिसमा निकै हिट भएका थिए । त्यसयता फ्यानहरू फिल्मको तेस्रो भागको प्रतिक्षामा छन् । अब कार्तिकले ‘प्यार का पंचनामा ३’ को अपडेट दिएका छन्।
कार्तिकले दिए ‘प्यार का पंचनामा ३’ को अपडेट
कार्तिक आर्यनको फिल्म ‘ चन्दु च्याम्पियन ’ भर्खरै रिलिज भएको छ । यो दीपावलीमा रिलिज हुन लागेको अभिनेताको ‘भुल भुलैया ३’ छ । कार्तिकलाई फेरि एकपटक ‘रुह बाबा’को भूमिकामा देख्न पाउँदा फ्यानहरु उत्साहित छन् । यसैबीच, अभिनेताले ‘प्यार का पंचनामा ३’ को बारेमा ठूलो अपडेट दिएका छन्।
टेलिचक्करलाई दिएको अन्तर्वार्तामा कार्तिकले आफ्नो व्यावसायिक जीवनको बारेमा कुरा गरेका छन् । यसैबीच, उनलाई सोधिएको थियो कि उनी निर्देशक लव रञ्जनसँग ‘प्यार का पंचनामा ३’ गर्ने हुन् ? यसबारे अभिनेताले अहिले आफू अर्को फिल्ममा र लभ रञ्जन अर्को फिल्ममा व्यस्त रहेको बताए ।
तेस्रो भागमा पनि काम गर्न तयार
भविष्यमा लभ रञ्जनले ‘प्यार का पंचनामा ३’ बनाउने हो भने कार्तिक यो फिल्मको तेस्रो भागका लागि पनि तयार हुने उनले बताए । उनी फिल्मको तेस्रो भागमा पनि काम गर्न चाहन्छन् ।
कार्तिक आर्यनको आगामी चलचित्रहरू
अहिले कार्तिकसँग अनीस बज्मीको ‘भूल भुलैया ३’ मात्रै छ । यो फिल्ममा उनको जोडी तृप्ति डिमरीसँग छ । फिल्मको अधिकांश भाग कोलकातामा छायांकन हुने भएको छ । ‘भुल भुलैया ३’ यो दिवालीमा रिलिज हुँदैछ ।
यो खबर पढेर तपाईलाई कस्तो महसुस भयो ?
प्रतिक्रिया