काठमाडौँ – कलाकार जितु नेपाल नेपाली फिल्म ‘कङ्गारु’मा अनुबन्धित भएका छन् । सम्राट् बस्नेतको निर्देशन रहने यो फिल्मका लागि निर्माण पक्षले शुक्रबार जितुसँग कागजी सम्झौता गरेको हो ।
यसअघि नै केदार घिमिरे ‘माग्ने बुढा’ र अर्पण थापा अनुबन्धित भइसकेको यो फिल्म राजिभ गुरुङ (दीपक मनाङ्गे)को प्रस्तुतिमा बन्न लागेको हो ।
जसमा मुख्य भूमिकामा जितुको प्रवेशसँगै कलाकारहरूको लाइनअप बलियो बन्दै गएको छ । जितु अहिले फिल्म ‘ज्वाइँ साँप’ छायाङ्कनमा व्यस्त छन् ।
यसअघि ‘लाखे’ निर्देशन गरेका बस्नेतले यो फिल्मलाई सस्पेन्स, थ्रीलर र कमेडी जनरामा निर्माण गर्ने बताएका छन् ।
चलचित्रको छायांकन अस्ट्रेलियाको सिड्नी, न्युकासल, क्यानबेरालगायत क्षेत्रमा गरिनेछ । चलचित्रमा सीमा गुरुङको कथा रहनेछ ।
यो खबर पढेर तपाईलाई कस्तो महसुस भयो ?
प्रतिक्रिया