काठमाडौँ– अभिनेत्री सुरक्षा पन्त आफ्नो अभिनयका कारण चर्चामा रहने गर्छिन् । उनले अभिनय गरेका फिल्मले चर्चा कमाउँछन् । अभिनय कौशलताका कारण चर्चामा रहने सुरक्षालाई समीक्षकले उत्कृष्ट अभिनय गर्ने अभिनेत्रीका रुपमा चित्रित गर्छन् ।
सामाजिक सञ्जालमा त्यति सक्रिय नरहने सुरक्षा नेपालका ग्रामीण भेगमा भ्रमण गर्न रुचाउँछिन् । फिल्म ‘अझै पनि’ बाट रजतपटमा डेब्यु गरेकी सुरक्षाले धनपति, घर, के घर के डेरा, गोपी, बहाव लगायतका फिल्ममा अभिनय गरेकी छिन् ।
इन्जिनियरिङ विषय अध्ययन गरेकी सुरक्षा पछिल्लो समय अभिनयका साथै फिल्म मेकिङमा पनि सक्रिय छिन् । साथै उनी कविता पनि लेख्छिन् ।
