काठमाडौँ – प्राइम भिडियोको चर्चित सिरिज ‘मिर्जापुर ३’ आगामी असार २१ मा रिलिज हुने भएको छ । रिलिज मितिसँगै निर्माताले टिजर पनि सार्वजनिक गरेका छन् ।
मंगलबार सार्वजनिक गरिएको टिजरबाट यसपटकको कथा थप डरलाग्दो तर दमदार हुने अनुमान लगाउन सकिन्छ ।
मिर्जापुर सिरिजमा पनि नियम उस्तै छन् । यसपटक मिर्जापुरको राजगद्दी कसले लिन्छ भन्ने प्रश्न थप रोचक बनेको छ । के कालिन भैया पूर्णरुपमा फर्किन्छन् कि मुन्ना भैयाका छोराले मिर्जापुरको गद्दी सम्हाल्छन् ? दर्शकमा उत्सुकता बढ्दो छ ।
सिजन २ मा गुड्डु पण्डितले कालिन भैया र मुन्ना भैयालाई गोली हानेको देखाइएको थियो । गोली लागेर घाइते भएका कालिन भैयाको के हुन्छ भनेर दर्शकले चासो दिएका छन् ।
तर यसअघि बाहिरिएको कथा अनुसार भने अनुसार ईशा यो पटक ससुरा कालिन भैयाको सत्ता हातमा लिने छिन् भने आफ्नो परिवारको हत्याको बदला लिनेछिन् ।
सिरिजसंग जोडिएको श्रोतका अनुसार माधुरी बनेकी ईशाले मिर्जापुर ३ मा गुड्डु पण्डित र गालू गुप्तासंग आफ्नो पतिको हत्याको बदला लिएको देखिने छ । अर्थात् यो सिजनामा मुन्नाकी विधवाको भूमिकामा देखिने ईशाको एक मात्र उद्देश्य पतिका हत्याराको हत्या नै हुने छ ।
मिर्जापुर सिरिज एक्सेल मिडिया एण्ड इन्टरटेनमेन्टले निर्माण गरेको हो । यो क्राइम थ्रिलर सिरिजलाई गुरमीत सिंह र आनन्द अय्यरले निर्देशन गरेका हुन् ।
यो खबर पढेर तपाईलाई कस्तो महसुस भयो ?
प्रतिक्रिया