रणवीर कपूरको नयाँ लुक र स्टाइल सामाजिक सञ्जालमा भाइरल

काठमाडौँ – बलिउडका ह्यान्डसम र चकलेटी ब्वाई रणबीर कपूरका केही तस्विरहरु अहिले सामाजिक सञ्जालमा भाइरल भइरहेका छन् । जसमा उनको नयाँ लुकमा देखिएको छ ।

यतिबेला रणवीर कपुर आफ्नो फिल्म ‘एनिमल २’ र ‘रामायण’ को कारण चर्चामा छन् । यसैबीच, अभिनेताको ड्यासिङ लुक इन्टरनेटमा देखा पर्‍यो। जसले फ्यानहरुको मनमा त्रास पैदा गरेको छ ।

वास्तवमा, रणवीर कपूरको नयाँ हेयरस्टाइल र लुकका यी तस्विरहरू प्रसिद्ध हेयर ड्रेसर आलिम हाकिमले आफ्नो इन्स्टाग्राम खातामा सेयर गरेका छन्। जुन निकै भाइरल पनि भइरहेको छ ।

भाइरल भएका तस्विरहरूमा रणवीर कपुर कालो रंगको लुगा लगाएको देखिएका छन् । उनले नयाँ कपाल काटेका छन् ।तस्बिरमा रणवीरको लुक मात्र होइन, उनको घाँटीमा छोरी राहा कपूरको नामको ट्याटु पनि चर्चामा छ ।

यसबाहेक रणबीर कपूरको सिक्स प्याक एब्सले पनि फ्यानहरूलाई छक्क पारेको थियो। अभिनेताको यो हट लुक देखेर सबैलाई चकित भएको देखिन्छ ।

रणवीर कपूर चाँडै नै फिल्म ‘एनिमल २’ र ‘रामायण’मा देखिनेछन् । यसका लागि कलाकारहरु आफ्नो लुक्समा निकै मेहनत गरिरहेका छन् ।

रणवीर कपूर पछिल्लो पटक फिल्म ‘एनिमल’ मा देखिएका थिए । फिल्मले बक्स अफिसमा बम्पर कमाई गरेको थियो ।