श्रीलङ्काले दियो मस्कको स्टारलिंकलाई प्रारम्भिक स्वीकृति

काठमाडौँ – श्रीलङ्काले स्पेसएक्सको स्याटेलाइट इकाई इलन मस्कको स्टारलिंकलाई त्यहाँ इन्टरनेट सेवा उपलब्ध गराउन प्रारम्भिक स्वीकृति दिएको छ । 

मस्कले गत महिना इन्डोनेसियामा राष्ट्रपति रनिल विक्रमासिङ्घेसँग भेट गरेपछि प्रक्रियालाई अघि बढाएको थियो । श्रीलङ्काको दूरसञ्चार नियामकले सार्वजनिक परामर्शपछि यसलाई कार्यान्वयनमा लगिएको राष्ट्रपतिको कार्यालयले जनाएको छ । 

मस्क र विक्रमासिङ्घेले श्रीलङ्काको ग्रामीण क्षेत्रमा इन्टरनेट जडान विस्तार गर्ने र नवीकरणीय ऊर्जामा सम्भावित सहकार्यका बारेमा छलफल गरेका राष्ट्रपतिको कार्यालयले जनाएको छ।