काठमाडौँ– अभिनेत्री करिष्मा मानन्धर पछिल्लो समय फिल्म क्षेत्रमा त्यति सक्रिय छैनिन् । तर, मिडियामा भने उनी छाइरहेकी हुन्छिन् । सामाजिक सञ्जालमा उनको सुन्दरताको फ्यानहरूले तारिफ गर्ने गर्छन् । सदावहार अभिनेत्रीका रुपमा चिनिने करिष्मा पछिल्ला केही वर्षयता फिल्ममा भन्दा विभिन्न कार्यक्रम र राजनीतिमा सक्रिय छिन् ।
उनी नेकपा एमालेमा प्रवेश गरेपछि सामाजिक सञ्जालमा समेत चर्चा भएको थियो । करिष्माले अभिनय गरेको पछिल्लो फिल्म ‘बगान’ हो । अहिले फिल्ममा खासै सक्रिय नदेखिए पनि नेपाली फिल्मको इतिहासमा निकै लोकप्रियता कमाएकी अभिनेत्रीमा उनी पर्छिन् ।
