टी-२० विश्वकपमा आज भारत र आयरल्याण्ड भिड्दै 

काठमाडौँ – आईसीसी टी– २० विश्वकप अन्तर्गत आज एक खेल हुँदै छ । आज समूह ए अन्तर्गत भारत र आयरल्याण्डबीच खेल हुँदै छ ।

न्यूयोर्कस्थित नस्साउ काउन्टी इन्टरनेसनल क्रिकेट स्टेडियममा हुने यो खेल नेपाली समय अनुसार राती ८:१५ बजेदेखि शुरु हुने छ ।

यस विश्वकपमा दुवैको यो पहिलो खेल हो । टी–२० खेलमा आयरल्याण्डले अहिलेसम्म भारतलाई पराजित गर्न सकेको छैन । अहिलेसम्म दुवैबीच ७ खेल भएको छ, जसमा सबै खेल भारतले जितेको छ ।

समूह ए मा रहेको अमेरिकाले आफ्नो पहिलो खेल जितेको छ भने क्यानडा पराजित भएको छ ।