टी-२० विश्वकप: ओमानमाथि नामिबियाको शानदार जित

काठमाडौँ – आईसीसी टी २० विश्वकपमा नामिबियाले विजयी शुरुवात गरेको छ । सोमबार बिहान सम्पन्न खेलमा नामिबियाले ओमानलाई ४ विकेटले पराजित गरेको हो ।

ओमानले दिएको केवल ११० रनको लक्ष्य पछाएको नामिबियाले २० ओभरमा ६ विकेट गुमाउँदै लक्ष्य पुरा गरेको थियो ।

नामिबियाको जितमा जान फ्राइलिंकले सर्वाधिक ४५ रन बनाएका थिए भने निकोलस डाभीनले २४ रन बनाएका थिए ।

यस अघि टस हारेर पहिला ब्याटिङ गरेको ओमानले १९.४ ओभरमा अल आउट हुँदै १०९ रन बनाएको थियो । ओमानका लागि खालिद कैलले सर्वाधिक ३४ रन बनाएका थिए भने जिशान मक्सूदले २२ तथा आयान खानले १५ रन बनाएका थिए ।

त्यस्तै नामिबियाका बलर रुबेन ट्रम्पेलम्यानले ४ विकेट लिए भने डेभिड वाइजले ३ विकेट लिए ।

यो जितपछि समुह बी मा रहेको नामिबियाले महत्त्वपूर्ण २ अङ्क हासिल गरेको छ । अब नामिबियाले अर्को खेल जुन ७ मा स्कटल्याण्डसँग खेल्ने छ भने ओमानले जुन ६ मा अस्ट्रेलियाविरुद्ध खेल्ने तालिका रहेको छ ।