काठमाडौँ– अभिनेत्री वर्षा शिवाकोटीको व्यक्तिगत जीवन त्यति सुखद रहेन । विवाह गरेको केही समयमै उनको वैवाहिक जीवनमा खटपट शुरु भएको थियो ।
व्यावसायिक जीवनमा भने वर्षाले एकपछि अर्को फिल्ममा अवसर पाएकी छिन् । गत वर्ष उनले अभिनय गरेको फिल्म ‘परदेशी २’ र ‘भष्मे डन’ ले एकाएक चर्चा कमाए । यी दुवै फिल्म व्यावसायिक हिसाबले हिट पनि बने । दुवै फिल्ममा वर्षाको शीर्ष भूमिका थियो ।
पछिल्लो समय कमै मात्र फिल्ममा देखिएकी वर्षाले एकपछि अर्का राम्रा ब्यानरमा काम गर्ने मौका पाएकी छिन् ।
हालै उनले फिल्म ‘छक्का पञ्जा ५’ मा शीर्ष भूमिकामा अभिनय गर्ने निर्माण टिमले बताएको थियो । फिल्ममा उनी दीपकराज गिरीसँग जोडी बाँध्नेछिन् । अभिनयमा राम्रो भए पनि मिडियामा त्यति चर्चामा नआउने वर्षाको सामान्य जीवनलाई उनका फ्यानले खुबै रुचाएका छन् ।
वर्षालाई अभिनयका अलावा पुस्तक पढ्नमा पनि उत्तिकै रुचि छ । फुर्सदको समयमा उनी पुस्तकहरु पढ्ने गरेको बताउँछिन् ।
यस वर्षको दशैँको अवसर पारेर प्रदर्शनमा आउन लागेको फिल्म ‘छक्का पञ्जा ५’ मा वर्षाले गरेको कामको मूल्याङ्कन त हुने नै छ । अहिलेलाई यत्ति भन्न सकिन्छ, वर्षाले राम्रा ब्यानर र राम्रो टिमबाट कामको अफर चाहिँ पाएकै छिन् ।
वर्षाकै कारणले फिल्म हिट हुनु र नहुनु त एउटा कुरा भयो तर वर्षाले अभिनय गरेको प्रायः फिल्म हिट भएका छन् ।
यो खबर पढेर तपाईलाई कस्तो महसुस भयो ?
प्रतिक्रिया