काठमाडौँ – सरकारले चलचित्रकर्मीलाई परिचयपत्र दिने भएको छ ।
विभिन्न विधाका चलचित्रकर्मीलाई चलचित्र विकास बोर्डले विशिष्ट चलचित्रकर्मी र चलचित्रकर्मी श्रेणीको परिचयपत्र वितरण गर्न लागेको हो । त्यसका लागि उसले आवेदन माग गरेको छ ।
इच्छुक चलचित्रकर्मीलाई तोकिएको ढाँचामा १५ दिनभित्र आइपुग्ने गरी निवेदन दिन पनि बोर्डले अनुरोध गरेको छ । यस्तो निवेदन बोर्डको कार्यालयमा गएर वा इमेलमार्फत पनि दिन सकिनेछ ।
चलचित्रको माध्यमबाट राष्ट्रलाई पु–याएको योगदानको कदर स्वरूप दुई श्रेणीका परिचयपत्र वितरण गर्न लागेको बोर्डले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया