काठमाडौँ– छक्का पञ्जा सिरिजको प्रतीक्षित फिल्म ‘छक्का पञ्जा ५’ आगामी असोज २४ गते रिलिज गरिने भएको छ । निर्माण टिमले फिल्मको फस्ट लूक सार्वजनिक गर्दै प्रदर्शन मिति घोषणा गरेको हो ।
केही समयदेखि दीपकराज गिरी र दीपाश्री निरौलाले ‘छक्का पञ्जा’ को पाँचौ भाग निर्माण गर्न लागेको चर्चा चलेको थियो । यसैबीच निर्माण टिमले पोस्टर सार्वजनिक गरेको हो । स्क्रिप्टका लागि दीपकराज गिरीले लामो समय लगाएकाले पनि दर्शकबीच फिल्मको प्रतीक्षा छ ।
दीपाश्री निरौलाले निर्देशन गर्ने पोस्टरमा दीपकराज गिरी, वर्षा शिवाकोटी र केदार घिमिरेलाई देख्न सकिन्छ । फिल्ममा दीपकराज गिरीले शीर्ष भूमिका निर्वाह गरेका छन् । पोस्टर हेर्दा रानीको भूमिकामा वर्षा शिवाकोटीलाई देख्न सकिन्छ ।
पोस्टर सार्वजनिक गरेसँगै सामाजिक सञ्जालमा फिल्मलाई लिएर चर्चा शुरु भएको छ । छायांकनको तयारीमा रहेको यो फिल्मका बारेमा अरु जानकारी भने दिइएको छैन ।
यो खबर पढेर तपाईलाई कस्तो महसुस भयो ?
प्रतिक्रिया