को हुन् मुनवर फारुकीको दोस्रो श्रीमती ?

काठमाडाैँ – बलिउडका स्ट्यान्ड-अप कमेडियन मुनवर फारुकी दोस्रो विवाहलाई लिएर चर्चामा छन्। पक्राउ र अफेयरका कारण चर्चामा आएका मुनव्वरको विवाहको खबर सामाजिक सञ्जालमा आगोझैँ फैलिरहेको छ ।

१०–१२ दिनअघि मुनवर फारुकीले गोप्य रूपमा दोस्रो विवाह गरेको दाबी गरिएको मिडिया रिपोर्टमा उल्लेख छ । उनीहरुको विवाहको रिसेप्शन आइतबार (२६ मे) थियो । रिपोर्टका अनुसार मुनव्वरले विवाह गरेकी महिलाको नाम मेहजबीन कोटवाला हो।

को हुन् महजबीन कोतवाला ?
इन्डियन एक्सप्रेसका अनुसार मुनवर फारुकीले मेहजबीन कोतवालासँग दोस्रो विवाह गरेका छन् । मेहजबीन मेमन समुदायकी हुन् । उनी एक मेकअप आर्टिस्ट हुन् र उनको इन्स्टाग्राम खातामा ठूलो फ्यान फलोइङ छ। उनको इन्स्टाग्राम अकाउन्टमा साढे दश हजारले फलो गरेका छन् ।

रिपोर्टका अनुसार मेहजबीन दक्षिण मुम्बईको अग्रिपाडामा बस्छिन् । उनको क्लाइन्ट लिस्टमा अभिनेता बाहेक क्रिकेटर पनि पर्छन् । उनले आर माधवनसँगको विज्ञापन सुटिङको तस्विर पनि इन्स्टाग्राममा सेयर गरेका छन् । उनी क्रिकेटर यजुवेन्द्र चहलकी श्रीमती धनश्रीको मेकअप आर्टिस्ट थिइन् ।

बिहेमा हिना खान पनि पुगिन् ?
रिपोर्टका अनुसार मुनवर फारुकीको विवाहको रिसेप्शन आईटीसी मराठामा भएको थियो, जहाँ १०० जनालाई मात्र निम्तो गरिएको थियो। यसैबीच हिनाको एउटा पोस्ट पनि भाइरल भयो । गत साँझ हिनाले इन्स्टाग्राम स्टोरीमा एउटा तस्विर शेयर गरेकी थिइन् ।

पिच आउटफिटमा हिना सुन्दर देखिएकी थिइन् । पृष्ठभूमिमा ‘मेरे यार की शादी’ गीत बज्यो । यो तस्विर देखेर मानिसहरुले हिना पनि उनको बिहेमा गएको अनुमान गरेका थिए । म्युजिक भिडियो ‘हलकी हलकी सी’ मा हिना खान र मुनवर फारुकी देखिएका छन् । यद्यपी मुनव्वरको तर्फबाट यी रिपोर्टमा कुनै प्रतिक्रिया आएको छैन ।