काठमाडौं– नयाँ फिल्म ‘सतीदेवी’ को दोस्रो लूक्स पोस्टर सार्वजनिक गरिएको छ । फिल्मका निर्देशक लक्ष्मण सुवेदीले सामाजिक सञ्जालमार्फत सोमबार बिहान पोस्टर सार्वजनिक गरेका हुन् ।
सञ्चारकर्मीसमेत रहेका सुवेदीको निर्देशनमा रहेको यो फिल्म यही साउन ४ गतेदेखि सार्वजनिक प्रदर्शनमा आउने चर्चा इरहेको छ । पोस्टर सार्वजनिक गर्दै निर्देशक सुवेदीले लेखेका छन्– ‘छोरी बुझौँ, छोरी पुजौँ, यीनै संसार सारा।’
फिल्म पहिलो पोस्टरबाट चर्चामा आएको ‘सतीदेवी’ को दोस्रो पोस्टर थप अर्थपूर्ण देखिन्छ । अभिनेत्री मलिका महतको काखमा एउटी नवजात शिशु देखिन्छिन् भने उनको दुईतिर दुई छोरीहरु छिन् । एउटी छोरी एउटा हातमा चप्पल लिएर रोइरहेकी छिन् भने अर्कि छोरीको अनुहार पनि मलिन देखिन्छ । आमा बनेकी अभिनेत्री महत नै निकै गम्भिर मुद्रामा छिन् ।
पहिलो पोस्टर सार्वजनिक भएको छ महिनापछि निर्देशक सुवेदीले आफ्नो फिल्मको दोस्रो पोस्टर सार्वजनिक गरेका हुन् ।
दर्शकमाझ प्रतिक्षित रहेको यो फिल्ममा मलिका महतसंगै हर्षिका वली, मञ्जिला बानियाँ ९बाल कलाकार०, सन्दिप बाबु लोहनी, रमेश बुढाथोकी, कुलदीप अधिकारी, भोला सापकोटा, सृजना अधिकारी, सुजीता शिवाकोटी, सन्देश लिम्बू, मनिषा सापकोटा, जयन्त रेग्मी, बिमल श्रेष्ठ, देव महर्जन, तुलसी श्रेष्ठ, इभने जोशी, इश्वरी सिंह, पवन केसी, जगदिश अधिकारी आदि कलाकारले अभिनय गरेका छन् ।
यो फिल्ममा बाबु श्रेष्ठको छायांकन, तारा थापा किम्भेको सम्पादन, सुदीप कुँवरको मुख्य सहायक निर्देशन, दीपक शर्मा र सुवास भुसालको संगीत, प्रदाप दास, दीपा लामा, ममता गुरुङ तथा सवीन सुवेदीको गायन छ । फिल्ममा रामजी लामिछानेको नृत्य निर्देशन छ ।
यो खबर पढेर तपाईलाई कस्तो महसुस भयो ?
प्रतिक्रिया