सिक्किमका सिमियोनले जिते ‘द पोएट आइडल’ सिजन २ को उपाधि 

काठमाडौँ –  ‘द पोएट आइडल सिजन २’को उपाधि सिक्किमका सिमियोन सुकिता राईले जितेका छन् । शनिबार रातीको भएको फिनाले एपिसोडमा उनले नगद १० लाखसहितको पुरस्कार जितेका हुन् । 

उपाधी जितेसंगै राईले एभरेस्ट फिल्म कलेजबाट १ वर्षको स्नातक अध्ययनको छात्रवृत्ति, कथालयसँग पुस्तकको सम्झौता, उत्पला क्याफेको तर्फबाट १ लाखको गिफ्ट भौचर प्राप्त गरेका छन् । 

पोएट आइडल’को दोस्रो सिजनमा उपेन्द्र सुब्बा, विप्लव प्रतीक, अनुप बराल र केकी अधिकारी निर्णायक थिए । दिब्यदेव होस्टको रुपमा थिए । निर्देशक अमनप्रताप अधिकारीले तेस्रो सिजन झण्डै डेढ वर्षपछि दर्शकमाझ आउने बताए ।

फिनालेमा ‘भ्वाइस किड्स’का निर्देशक लक्ष्मण पौडेलले जेठ ३१ गते शुक्रबारदेखि तेस्रो सिजनको प्रसारण शुरु हुने बताए । उक्त अवसरमा ‘भ्वाइस किड्सको सिजन ३’ को प्रोमो देखाइयो ।

‘

पहिलो सिजनको उपाधि सिक्किमकी निलम गुरुङले जितेकी थिइन् ।