किन अस्पताल भर्ना भए शाहरूख खान ?

काठमाडौँ – बलिउड अभिनेता शाहरूख खान अहिले अस्पताल भर्ना भएका छन् ।

इन्डिया टुडेका अनुसार हिटस्ट्रोक  र डिहाइड्रेशनका कारण शाहरुख खानलाई अहमदाबादको केडी अस्पतालमा भर्ना गरिएको थियो । उनलाई बुधबार बेलुका अस्पताल भर्ना गरिएको थियो ।

शाहरूखको स्वास्थ्य र डिस्चार्जको बारेमा केडी अस्पतालले कुनै आधिकारिक घोषणा वा मेडिकल बुलेटिन जारी गरेको छैन । शाहरुखको अभिन्न मित्र अभिनेत्री जुही चावला र उनका पति जे मेहता पनि उनलाई भेट्न अस्पताल पुगेको बताइएको छ ।

यसैबीच एयरपोर्ट स्रोतका अनुसार अस्पतालबाट डिस्चार्ज भएपछि शाहरूख दिउँसो ३ बजे अहमदाबादबाट मुम्बई जान सक्नेछन् ।