काठमाडौँ – संजयलीला भन्सालीको नेटफ्लिक्स सिरिज ‘हीरामण्डी’कारण चर्चामा रहेकी अभिनेत्री मनीषा कोइरालाले बेलायती प्रधानमन्त्रीलाई नेपाल भ्रमणको निम्तो दिएकी छिन् ।
अभिनेत्री कोइराला यति बेला लन्डनमा छिन् । नेपाल र बेलायतबीचको मैत्रीपूर्ण सम्बन्धको १०० औँ वर्षगाँठ मनाउन बेलायती प्रधानमन्त्रीको लन्डन कार्यालय टेन डाउनिङ स्ट्रिटमा सुनाकले समारोह आयोजना गरेका थिए ।
सोही समारोहमा मंगलबार बेलायती प्रधानमन्त्री ऋषि सुनाकसँग उनको भेट भएको हो ।
मनीषाले इन्स्टाग्रामबाट सुनाकसँगको भेटका तस्वीर र भेटमा भएको गफगाफबारेका कुरा पोस्ट गरेकी छन् । अनौपचारिक संवादमा प्रधानमन्त्री सुनाकबाट आफूले सगरमाथा आधार शिविरमा पदयात्राका लागि निम्तो गरेको समेत मनीषाले उल्लेख गरेकी छन् ।
समारोहमा उपस्थित धेरैजसोले ‘हीरामण्डी’ सिरिज हेरेको र यो थाहा पाएपछि आफू उत्साहित भएको पनि मनीषाले उल्लेख गरेकी छन् ।
यो खबर पढेर तपाईलाई कस्तो महसुस भयो ?
प्रतिक्रिया