आमिर खान होइन, सलमान खान बने गजनीका निर्माताको पहिलो रोजाइ

काठमाडाैँ – ‘गजनी’ सन् २००८ को सबैभन्दा ठूलो हिट फिल्म हो । यस फिल्ममा बलिउड अभिनेता आमिर खानको अभिनयको मानिसहरुले तारिफ गरेका छन् । यो फिल्मका लागि पहिलो रोजाइ आमिर नभई सलमान खान थिए ।

आमिर खानको फिल्म गजनी पर्दामा सुपरहिट साबित भयो। फिल्ममा आमिर खानको अभिनय देखेर सबै छक्क परेका थिए । १०० करोड क्लबमा सामेल हुने यो पहिलो बलिउड फिल्म हो ।

अभिनेता प्रदीप रावतले यो फिल्मको बारेमा खुलासा गरेका छन् । अभिनेताले भने कि निर्देशक ए. आर. मुरुगादास फिल्ममा सलमान खानलाई मुख्य भूमिका दिन चाहन्थे। तर, अभिनेता प्रदीप रावतको आग्रहमा उनले आफ्नो निर्णय परिवर्तन गरेका थिए ।

सलमानको सट्टा प्रदीप किन ?
प्रदीप फिल्म गजनीमा खलनायकको भूमिकामा देखिएका थिए । हालै अभिनेताले फिल्मको बारेमा कुरा गरेका छन् । एक अन्तर्वार्तामा अभिनेताले भने, ‘मलाई लाग्यो कि सलमान छोटो स्वभावका व्यक्ति हुन् र मुरुगादासलाई हिन्दी र अंग्रेजी आउँदैन । त्यतिबेला उनको कुनै व्यक्तित्व पनि थिएन ।

उनले भाषाका कारण निर्देशकलाई सलमान खानसँग काम गर्न कठिन भएको हुनसक्ने आफुलाई विश्वास रहेको बताए । त्यसैले उनले सरफरोशमा काम गरेका आमिरको नाम सुझाएका थिए । मुरुगादासलाई भाषा नजान्दा आमिरसँग काम गर्न सजिलो हुने उनको विश्वास थियो।