बुटवलमा लुम्बिनी प्रदेशस्तरीय दोहोरी खेल प्रतियोगिता हुने

काठमाडौँ– बुटवलमा आजदेखि लुम्बिनी प्रदेशस्तरीय दोहोरी खेल प्रतियोगिता हुने भएको छ । लोक दोहोरी गीतको प्रवर्द्धन गर्ने उद्देश्यसहित सोमबारदेखि लोक दोहोरी गीत प्रतिष्ठान लुम्बिनी प्रदेशको आयोजनामा हुने दुई दिने प्रतियोगिता शुरु हुन लागेको हो ।

प्रतियोगितामा प्रदेशका १० जिल्लाबाट सहभागिता रहने आयोजकले बताएको छ । प्रतिष्ठानका अध्यक्ष दिपु मगरले रुकुम पूर्व र अर्घाखाँचीबाहेक दश जिल्लाबाट टिम प्रतियोगितामा सहभागी हुनेजनाइएको छ । हरेक जिल्लाबाट तीन जना पुरुष र तीन जना महिला सहितको टिम हुनेछन् ।

प्रतियोगितामा करिब ७०० जना कलाकारको सहभाििगता रहनेछ । प्रतियोगितामा प्रथम हुनेले ५५ हजार ५५५, द्वितीयले ३३ हजार ३३३, तृतीयले २१ हजार १११ र सान्त्वनाले १५ हजार शिल्ड, मेडल र प्रमाणपत्र प्राप्त गर्नेछन् । प्रतियोगितामा निर्णायक संमितिको संयोजकको जिम्मेवारीमा प्रतिष्ठानका केन्द्रीय सल्लाहकार खेमबहादुर हमाल रहने जनाइएको छ ।