‘बोक्सीको घर’ काे ग्रस कलेक्सन १० करोड नाघ्यो

काठमाडौंँ– ‘बोक्सीको घर’ फिल्मले शुक्रबारसम्म १० करोड रुपैँयाभन्दा बढी कलेक्सन गरिसकेको छ । बैशाख १४ गतेदेखि प्रदर्शनीमा आएको सो फिल्म चौथो हप्ताको सुरुवाती दिनसम्म सो रकम संकलन गरेको हो ।

फिल्मका वितरक प्रचण्डमान श्रेष्ठका अनुसार गत शुक्रबारदेखि सो फिल्म चौथो सातामा प्रदर्शनरत छ। हलमा अहिले पनि दर्शकको उपस्थिती उत्साहजनक रहेको उनको भनाइ छ ।

शनिबार पनि फिल्मको शो हाउसफुल भएको उनले सुनाए । रंगकर्मी सुलक्षण भारतीको लेखन तथा निर्देशनमा केकी अधिकारीको होम प्रोडक्सनबाट यो फिल्म निर्माण भएको हो। केकीका अनुसार फिल्मले नेपालसँगै विदेशमा पनि दर्शकको माया पाइरहेको छ।