काठमाडौँ – तमन्ना भाटियाको फिल्म ‘अरनमनई४’ ले बक्स अफिसमा तहल्का मच्चाइरहेको छ । भारत मात्रै नभएर अन्य देशमा समेत कमाल देखाइरहेको यो फिल्मले कमाइमा धनुषको ‘क्याप्टेन मिलर’ लाई पछि पारेको हो ।
दुई हप्तामा सफल रहेको ‘अरनमनई४’ अब तेस्रो हप्तामा पुगेको छ भने कमाइको ग्राफ पनि बढ्दो छ । धनुषको फिल्म ‘क्याप्टेन मिलर’ पनि यसै वर्ष रिलिज भएको थियो ।
अंग्रेज फौजमा रहेको एक भारतीयको यो कहानीलाई धेरैले मन पराएका थिए । यसले घरेलु वक्सअफिसमा ४९.२२ करोड कमाएको थियो ।
यता ‘अरनमनई४’ का कुरा गर्ने हो भने सैकनिल्कको अनुसार यसको कुल कमाई ५०.९९ करोड रुपैयाँ पुगेको छ ।अरनमनई४’ले पहिलो हप्ता ३२.१ करोड कलेक्सन गरेको थियो भने दोस्रो हप्तामा १७.१५ कमाई गर्यो ।
सुन्दर सीको निर्देशनमा बनेको यो फिल्म तमन्ना भाटिया र राशि खन्ना मुख्य भूमिकामा देखिएका छन् ।
३ मे बाट प्रदर्शनमा आएको ‘अरनमनई४’ मा सन्तोप प्रताप,रामचन्द्र राजु,जयप्रकाश,केएस रविकुमार लगायतका कलाकार समेत छन् । ‘अरनमनई४’ अब सबैभन्दा बढी कमाई गर्ने फ्रेन्चाइजी फिल्म बनेको छ ।
यो खबर पढेर तपाईलाई कस्तो महसुस भयो ?
प्रतिक्रिया