गायक भक्तराजको जीवनीमा आधारित चलचित्र फेरी प्रर्दशनीमा

काठमाडौं – गायक भक्तराज आचार्यको जीवनीमा आधारित चलचित्र ‘ आचार्य’ १३ वर्षपछि पुनः प्रदर्शनमा आउने भएको छ । शनिबार राजधानीमा आयोजित एक कार्यक्रमबीच चलचित्र आगामी असार ७ गतेबाट पुनः प्रदर्शनमा आउने जनाएको हो ।

सो सिनेमालाई नेपाल तथा विदेशमा एकसाथ प्रदर्शन गरिनेछ । नेपालमा ब्यांकटेस इन्टरटेनमेन्ट र विदेशमा सेभेन सिजले सिनेमा प्रदर्शन गर्नेछ ।

सिनेमामा गायक आचार्यको भूमिका उनकै जेठा छोरा सत्यराजले निर्वाह गरेका छन् । उनी सिनेमाका निर्माता पनि हुन् । अचार्यको निधन गत फागुनमा भएको थियो ।