काठमाडौँ– दिनेश राउतद्वारा निर्देशित फिल्म ‘पुजार सार्की’ को गीत सार्वजनिक गरिएको छ । ‘जाऊँ माया जाऊँ’ बोलको गीत युट्युबमार्फत सार्वजनिक गरिएको हो ।
जातीय विभेदको मुद्दा उठान गरिएको गीतमा दलित र ब्राह्मण परिवारबीचको प्रेम सम्बन्धलाई प्रस्तुत गरिएको छ । जातीय विभेदले कसरी प्रेम पनि समाजबाट अपहेलित हुन्छ भन्ने गीतमा देखाउन खोजिएको छ ।
आज सार्वजनिक गरिएको गीतमा खेतन क्षेत्रीको स्वर छ भने बी पाण्डेले शब्द रचना गरेका छन् । त्यस्तै गीतमा सुवास भुसालको संगीत रहेको छ ।
आर्यन सिग्देल, प्रदीप खड्का, पल शाह, अञ्जना बराइली, परीक्षा लिम्बु, प्रेम सुब्बा, लोकेन्द्र लेखक लगायतका कलाकारको अभिनय रहेको फिल्म ‘पुजार सार्की’ यही जेठ १० गतेदेखि प्रदर्शनमा आउँदैछ ।
फिल्मलाई सुवास भुसालले निर्माण गरेका हुन् भने विकास सुवेदीले लेखेका हुन् । यसअघि सार्वजनिक गरिएका पोस्टर र टिजरबाट फिल्मले राम्रो चर्चा कमाएको छ ।
भिडियो हेर्नुहोस्:
यो खबर पढेर तपाईलाई कस्तो महसुस भयो ?
प्रतिक्रिया