अनुहारको दाग हटाउन आजबाट चामलको पानी प्रयोग गर्नुहोस्

काठमाडाैँ – कतिपय मानिसले अनुहार सुन्दर बनाउन चामलको पानी प्रयोग गर्छन् । तर के तपाईलाई थाहा छ यसको प्रयोग अनुहारका लागि फाइदाजनक छ कि छैन जानाैं ।

मानिसहरुले आफ्नो अनुहार सुन्दर बनाउन शताब्दीयौंदेखि चामलको पानी प्रयोग गर्दै आएका छन् । चामलको पानीमा एन्टिअक्सिडेन्ट र एन्टी इन्फ्लेमेटरी गुण हुन्छ, जसले पिम्पलको समस्याबाट राहत दिन्छ।

चामलको पानीले छालालाई शान्त बनाउन मद्दत गर्छ र गर्मीको जलनबाट राहत दिन्छ। एक कप पानीमा एक कप चामल मिलाएर १० मिनेटसम्म यो पानीलाई कम आगोमा उमालेर छान्नुहोस् र चिसो भएपछि अनुहारमा लगाउनुहोस्।

अनुहारमा चामलको पानी लगाउन कपास प्याड प्रयोग गर्न सक्नुहुन्छ। यसलाई अनुहार र घाँटीमा पनि लगाउनुहोस्।

कतिपयलाई चामलको पानी प्रयोग गर्दा एलर्जी हुन सक्छ। यदि यस्तो भयो भने, डाक्टरको सल्लाह आवश्यक छ।