काठमाडौँ– मौलिक धुन तथा गीतको लयमा राष्ट्रिय महिला मादल प्रतियोगिता हुने भएको छ ।
बिहीवार जमलस्थित राष्ट्रिय नाचघरमा हुने प्रतियोगितामा महिला वादकहरु सहभागी हुन पाउँनेछन् । नेपाल सङ्गीत तथा नाट्य प्रज्ञा प्रतिष्ठान र कर्णाली कलाकार प्रतिष्ठानले संगुक्त रुपमा प्रतियोगिता गर्न लागको हो ।
प्रतियोगितमा भाग लिन चाहने प्रतियोगीले तीन दिन अगाडि नाम दर्ता गर्नुपर्नेछ । प्रतियोगीले पाँचदेखि सात मिनेटमा मौलिक धुन वा गीतमा कम्तिमा दुईवटा ताल बजाउनुपर्नेछ ।
वादन वा गायनमा समूहमा तीन जना सहभागी हुन पाउनेछन् र प्रतियोगिमा इच्छा अनुुसार मादल प्रयोग गर्न सकिने बताइएको छ । नेपाली पोसाकसहित प्रतियोगितामा सहभागी हुन आयोजक पक्षले आग्रह गरेको छ ।
निर्णायकहरुको निर्णयका आधारमा प्रथम, द्वितीय, तीतृय र सान्त्वना पुरस्कार क्रमशः ५५ हजार, ३५ हजार, २५ हजार र १५ हजार रुपैयाँ प्रदान गरिनेछ ।
यो खबर पढेर तपाईलाई कस्तो महसुस भयो ?
प्रतिक्रिया