काठमाडौँ– मल्टिस्टारर फिल्म ‘पूजार सार्की’ मा समावेश ‘रिमै’ बोलको गीत सार्वजनिक गरिएको छ । उक्त गीत आज (मङ्गलवार) युट्युबमार्फत सार्वजनिक गरिएको हो ।
लोकशैलीमा आधारित रहेको यो गीतलाई फिल्मी शैलीमा नै प्रस्तुत गरिएको छ । सार्वजनिक गीतमा आर्यन सिग्देल, अञ्जना बराइली, प्रदीप खड्का, पल शाह लगायतका कलाकारले अभिनय गरेका छन् ।
यसअघि निर्माण टिमले कौडा भाकाको गीत सार्वजनिक गरेको थियो । सो गीतले समेत दर्शकको राम्रो साथ पाएको थियो ।
यतिबेला सार्वजनिक गरिएको ‘रिमै’ गीतमा देवेन्द्र बराल र मुना थातलको आवाज रहेको छ भने सुवास भुसालको संगीत रहेको छ ।
‘पूजार सार्की’ को कुरा गर्नुपर्दा यो फिल्मलाई दिनेश राउतले निर्देशन गरेका हुन् । सुवास भुसालको निर्माण रहेको फिल्मलाई विकास सुवेदीले लेखेका हुन् ।
४० वर्षअघिको नेपालको ग्रामीण भेगको कथा समावेश गरिएको यो फिल्म पोस्टर र गीत रिलिजपछि चर्चामा छ । जातीय विभेदको कथा समेटिएको ’पुजार सार्की’ यही जेठ १० गतेदेखि प्रदर्शनमा आउँदैछ ।
भिडियो:
यो खबर पढेर तपाईलाई कस्तो महसुस भयो ?
प्रतिक्रिया