नीमको पातका प्राकृतिक गुणहरूले तपाईँको छाला हेरचाह सँगै दिनचर्यामा महत्त्वपूर्ण भूमिका खेल्छ, विशेषगरी पिम्पल र कालो दागहरू हटाउन ।
नीम, जसलाई वैज्ञानिक रूपमा आजादिरैक्टा इडिका को रूपमा चिनिन्छ । यसले पारम्परिक भारतीय र नेपाली चिकित्सा प्रणाली आयुर्वेदमा एक महत्त्वपूर्ण स्थान राख्छ ।
नीमका पातहरू शक्तिशाली एन्टिब्याक्टेरियल, एन्टी–इन्फ्लेमेटरी र एन्टिअक्सिडेन्ट गुणहरूको लागि परिचित छन् । यी गुणहरूले नीमको पातलाई डन्डीफोर र कालो दागहरू सहित विभिन्न छाला समस्याहरूको लागि प्रभावकारी प्राकृतिक उपचार बनाउँछ ।
छालाका लागि नीमको पातका फाइदाहरू:
–जीवाणुरोधी (एन्टिब्याक्टेरियल) गुण
नीमको पातमा निम्बिन, निम्बिडिन र गेडुनिन जस्ता यौगिकहरू हुन्छन्, जसमा बलियो जीवाणुरोधी गुणहरू हुन्छन् । यी गुणहरूले पिम्पल र एक्ने (खटिरा) निम्त्याउने ब्याक्टेरिया सँग लड्न मद्दत गर्छ ।
–एन्टी इन्फ्लामेट्र्रि गुण
नीमको पातमा क्वेर्सेटिन र निम्बिडिन जस्ता एन्टि–इन्फ्लेमेटरी यौगिकहरू प्रशस्त मात्रामा पाइन्छ । यी यौगिकहरूले पिम्पलसँग सम्बन्धित सून्नाइ र रातो पनलाई शान्त पार्न सघाउँछ, छिटो निको पार्नु को साथै पिम्पल्स को पुनरावृत्ति लाई रोक्न मद्दत गर्दछ ।
–एन्टिअक्सिडेन्ट गुण
नीमको पातमा फ्लेभोनोइड्स र भिटामिन सी सहित एन्टिअक्सिडेन्ट प्रशस्त मात्रामा पाइन्छ जसले छालालाई फ्री रेडिकलबाट हुने क्षतिबाट जोगाउन मद्दत गर्छ । यसको एन्टिअक्सिडेन्ट गुणहरूले कालो धब्बा, दाग र बुढेसकालका लक्षणहरू कम गर्न मद्दत गर्दछ, जसको परिणाम स्वरूप अनुहारको रङ्ग अझ निक्खर हुन्छ ।
पिम्पल र कालो दागको लागि नीमको पातको प्रयोग
–नीमको पातको पेस्ट:
–एक मुठी ताजा नीमका पातहरू पिस्नु होस् ।
–पिम्पल र कालो दागहरूमा वा सिधै प्रभावित ठाउँहरूमा नीमको पेस्ट लगाउनुहोस् ।
–पेस्ट लाई १५–२० मिनेटको लागि छोड्नुहोस्, जसले गर्दा लाभकारी यौगिकहरू छालामा प्रवेश गर्न सकोस् ।
–त्यसपश्चात् मन तातो पानीले धुनुहोस् र बिस्तारै सुकाउनुहोस् ।
–राम्रो परिणामको लागि यो प्रक्रिया हप्तामा २–३ पटक लगाउनुहोस् ।
नीमको पातको पानी
–एक मुठी नीमको पातलाई पानीमा १०–१५ मिनेट सम्म पानीको रँग हरियो नहुन्जेल उमाल्नुहोस् ।
–नीमको पातको पानीलाई चिसो पारेर छान्नुहोस् ।
–नीमको पातको पानीमा कपास भिजाएर प्रभावित क्षेत्रमा लगाउनु होस ।
–यसलाई १०–१५ मिनेट सम्म लगाएर छोड्नुहोस्, त्यसपछि यसलाई पानीले धुनु होस ।
–आफ्नो अनुहार सफा गर्न र पिम्पल र कालो दागहरू कम गर्न दिनको दुई पटक यो नीमको पातको पानी प्रयोग गर्नुहोस् ।
सावधानी
नीमको पात केही व्यक्तिहरूमा छाला को जलन वा एलर्जी प्रतिक्रियाहरू निम्त्याउन सक्छ । यसकारण आफ्नो अनुहारमा नीमको पातको उपचार प्रयोग गर्नु अघि, छालाको अर्को भागमा सानो परीक्षण गर्नुहोस् ।
घाउ भएको छालामा नीमको पातहरू प्रयोग नगर्नुहोस्, किनकी यसले ती क्षेत्रमा थप जलन हुन सक्छ ।
यदि तपाइ कुनै प्रतिकूल प्रतिक्रिया वा लगातार छाला को समस्याहरू अनुभव गर्नुहुन्छ भने, प्रयोग बन्द गर्नुहोस् र छाला विशेषज्ञसँग परामर्श लिनु होस ।
यो खबर पढेर तपाईलाई कस्तो महसुस भयो ?
प्रतिक्रिया