‘गाउँ आएको बाटो’ को प्रदर्शन मितिमा हेरफेर

काठमाडौँ–  फिल्म ‘गाउँ आएको बाटो’ जेठ २५ गते प्रदर्शन गरिने भएको छ । यसअघि तय गरिएको मितिभन्दा एक सातापछि प्रदर्शन गरिने भएको हो ।

यो फिल्म सेभेन सिज इन्टरटेनमेन्टले प्रदर्शनका लागि खरिद गरेको हो । यो फिल्म नेपाल र विदेशमा एकसाथ प्रदर्शन गरिने जनाइएको छ ।

विश्वका विभिन्न महोत्सवमा सहभागिता जनाएको यो फिल्ममा दयाहाङ राई, पशुपति राई र बाल कलाकार प्रशान राईको शीर्ष भूमिका छ । नविन सुब्बाले निर्देशन गरेको ‘गाउँ आएको बाटो’ मा दुर्गम गाउँमा सडक पुगेपछि देखिएको परिवर्तनको कथालाई प्रस्तुत गरिएको छ ।

फिल्ममा खानुमा राई, प्रमिशा राई, प्रेम सुब्बा लगायतका कलाकारको समेत अभिनय रहेको छ ।