‘बुद्ध चरित्रको मन बनाउन ध्यान आवश्यक’

काठमाडौँ– बौद्ध दर्शन प्रवर्द्धन तथा गुम्बा विकास समितिका अध्यक्ष फुपू छेम्बे शेर्पा (खेन्पो गेशे थुप्तेन जिग्डोल)ले बुद्ध चरित्रको मन बनाउन ध्यान आवश्यक रहेको बताए ।

बिहीवार काठमाडौंस्थित तामाङ भवनमा भएको ५ दिने ध्यान ‘व्यवहारमा करुणा’ साधना सम्पन्न कार्यक्रममा सम्बोधन गर्दै उनले मनलाई एकतृत बनाउन ध्यान आवश्यक रहेको बताएका हुन् । उनले भने, ‘मन एकदम चन्चल हुन्छ । जसलाई एकत्रित बनाउन ध्यानले सहयोग पुर्‍याउँछ ।’

बौद्ध दर्शन प्रवर्द्धन तथा गुम्बा विकास समितिको सहयोगमा भएको कार्यक्रममा प्रशिक्षक ङावाङ खेन्रब शेर्पाले ध्यानको यो प्रथम चरण रहेको सुनाए ।

ध्यानका विभिन्न चरणहरु भएको सुनाउँदै उनले यसमा बिस्तारै सिक्दै जानुपर्ने सहभागीहरुलाई सुझाव दिए ।
करुणा नेपालका सोनाम लामाले यो ५ दिनको ध्यान साधना उपलब्धिमूलक रहेको बताए ।

यसैगरी ध्यानमा सहभागी सरु डिम्डुङले ध्यानले मनलाई एकात्रित बनाउन ज्ञान मिलेको बताइन् । यस्तै ध्यान गरिसकेपछि सीमा तामाङले अनुभव सुनाउँदै भनिन्,‘ध्यानले आज मलाई जति मन एक ठाउँमा रहन सिकायो त्यो कुरा समाज र मैले काम गर्ने क्षेत्रमा लागु गर्ने प्रयास गर्नेछु ।

’करुणामा ध्यान साधनामा करिब ५ दर्जन बौद्ध धर्मका अनुयायीहरुको सहभागिता रहेको थियो ।
समापन समारोहमा सबै सहभागीहरुलाई प्रमाण पत्र प्रदान गरिएकाे थियाे ।

कार्यक्रममा राष्ट्रिय महिला तथा बालबालिका परिषदका सदस्य इन्दिरा योन्जन, समितिका कर्मचारीहरु सन्जु योङ्ग्या, लक्ष्मी रुम्बा, म्हारसाङ तामाङ र पत्रकार लगायतकाकाे उपस्थिति रहेकाे थियाे ।